Laerskool Eugené N Marais is geleë in die hartjie van die Waterberge. Ons kinders stap elke dag deur die rooibaksteengange van die eeu-oue skool. Hier by die Boompies glo ons dat jou kind se volle menswees gevorm word vir 'n blink toekoms. Hier gee ons om vir mekaar… Deur geloof, hoop, liefde en harde werk en met baie entoesiasme slaag ons daarin om ‘n veilige omgewing vir elke kind te skep – ‘n omgewing waarin kinders kan waag, sodat hulle hul volle potensiaal kan bereik.

Hier is plek vir elkeen om te groei, te droom, hul ideale na te streef en hulle talente te ontgin. Dié skool bou jou karakter, sodat jy aan die einde van jou laerskoolloopbaan hier uitstap as ‘n goed afgeronde, selfversekerde kind wat ‘n verskil in die gemeenskap kan maak.